قصيده

لا تسأل عن اخباري تعـال وشـوف هالأخبـار
تعال وشـوف احوالـي بدونـك دنيتـي ماتكـون
حبيبي في غيابك صرت حزيـن بحالتـي منهـار
وصار بداخلي شوق(ن) وعشق(ن) بالوجد مسجون
عليك آغار من روحي كيف من البشـر ماغـار؟
تحصّن يابعد عمري تحصّن مـن حسـد لعيـون
أنا لامن لمحتك عين .. تشب وتشتعل بـي نـار
أجل هالناس لو شافـوك أكيـد بشوفتـك يسهـون
تأكـد يابعـد قلبـي أنـا مالـي بهـواك افكـار
ولا يمكن أبد في يوم على قلبـي حبيبـي تهـون
طبعت اشواقك بقلبـي .. كتبتـك للغـرام اشعـار
رسمتك صورة العاشق .. ملاك بداخلـي مدفـون
حملتك يالغـلا قصه..حكايـه غامضـه واسـرار
حكاية حب مجنونه وقصـة قلـب بـك مجنـون
تخيّلتك تجيني ف يوم على ضفّه عشـق وانهـار
تقول اليـوم ضمّينـي واضمـك حيـل يامفتـون
واجيك بكـل مافينـي واقولـك ياحبيبـي صـار
تعال بداخل احضاني ولـك منّـي ولـه وجنـون
كبيره حيـل أحلامـي فـي بالـي كنّهـا تذكـار
عساها ف يوم تتحقـق واصيـر لدنيتـي ممنـون
تأكـد إنّـك بقلبـي, عشقتـك والعشـق مـدرار
ظروف البعد تحرمني..وشفتـك بالغـلا مركـون
ولكن بنتظـر واصبـر ولـو تمنعنـي هالأقـدار
واقول لكل هالعالـم نصيبـي هـو وكـل الكـون
عرفت الحين احوالي وشفت اشلون انـا محتـار؟
أحبك وافقدك واغار ولكـن قلـي انـت اشلـون؟
وسلامتكم

تح ـياتي ..

الاولى سارونه
والثانيه ملتووووووووووش

يسلمووووووو مرااااااا حلوه

مرسي ع الردود